Calvo plantea una "alternativa directa" a El Musel per Carreño que beneficie a los sos vecinos

"La solución va pasar por quitar traficu pesáu de Carreño" solliñó Calvo

El conseyeru de Fomentu, Alejando Calvo, aseguró esti martes que la solución que baraxa’l Gobiernu asturianu pa los accesos al cai d’El Musel pasa por quitar tráficu pesáu del barriu xixonés de La Calzada, pero tamién de Carreño mediante una "alternativa prioritaria y directa" que nun penalice a los vecinos d’esti conceyu.

"La solución va pasar por quitar traficu pesáu de Carreño. Tamos falando d’una alternativa prioritaria y directa pal cai que llibere a los vecinos de Carreño de los tráficos que lleguen dende Avilés o Candás, que son los grandes desconocíos y que son mayores inclusive de los que pasen per La Calzada", solliñó.

En rempuesta a una entruga fecha pol diputáu popular Andrés Ruiz na Comisión de Fomentu del parllamentu autonómicu, Calvo insistió en que’l Gobiernu asturianu decidió implicase y liderar el procesu pa buscar alternatives al fallíu vial soterráu de Xove y al que la selmana pasada plantegó’l Ministeriu de Tresportes en superficie.